Asturies, con casi 80 casos por 100.000 habitantes, ye la tercer comunidá con mayor tasa de gripe esta temporada

|

La tasa de gripe n'Asturies asitióse na selmana 48, última de les que se dispón de datos actualizaos y que comprende la selmana del 1 al 7 d'avientu, en 79,84 casos por cada 100.000 habitantes, lo que l'asitia como la tercer comunidá autónoma con una mayor afeición d'esti virus, no que va de presente temporada.
   Según los datos facilitaos a Europa Press, la tasa andaluza, con 43 casos, asítiase mui perbaxo de la media nacional, que na selmana 48 algamó los 43,54 casos por cada 100.000 habitantes. En cualquier casu, la tasa media española sigue siendo baxa si se compara cola mesma selmana de la pasada camapaña 2007-2008, cuando se rexistraron 67,7 casos por 100.000 habitantes.
   El primer casu de gripe n'Andalucía detectóse na selmana 46, comprendida ente la selana del 17 al 23 de payares, polo que s'estima que'l pico de la gripe se produza "nunes cuatro o seis selmanes", siguiendo la esperiencia acumulada n'años anteriores.
   Por comunidaes, tanto Estremadura como la Ciudá Autónoma de Ceuta rexistraron en dicha selmana cero casos de gripe por cada 100.000 habitantes, siguida d'Andalucía (4,27), Baleares (12,22), La Rioxa (14,16), Castiella La Mancha (15,44), Aragón (17,72), Comunidá Valenciana (24,2), Madrid (33,48) y Castiella Lleón (35,25).
   Nel polu opuestu ta Canaries, con 137,43 casos por cada 100.000 habitantes, lo que la torna na comunidá con mayor tasa de gripe no que va de temporada, siguida del País Vascu (128,13), Asturies (79,84), Navarra (69,32), Cataluña (69,3) y Cantabria (59,8).
   Pa combatir la gripe, la Conseyería andaluza del ramu punxo en marcha n'ochobre la campaña de vacunación 2008-2009, pa la que se destinaron 1.321.168 dosis de vacunes.

Contador Estadistiques