Xosé Nel Riesgo ye l'últimu ganador del concursu Fernández Lema

L'autor avilesín Xosé Nel Riesgo Fernández ye'l ganador de la presente edición del concursu de relatos que convoca añalmente la Fundación Fernández Lema de L.luarca. El premiu, ún de los más prestixosos de los que se convoquen pa la narrativa en llingua asturiana, tuvo como ganadores nes pasaes ediciones a Xuan Xosé Sánchez Vicente y Esther García respectivamente.
Xosé Nel Riesgo gana esti premiu col relatu "Regresu ensin fin", demientres que na modalidá en castellán resultó ganador José Manuel Moreno cola obra "El homicidio".
Riesgo nació n'Avilés nel añu 1963, llicenciándose en Xeografía na Universidá d'Uviéu. Como narrador tien escrito les noveles "Parque temáticu" (Trabe, 2005), "El cai nunca duerme" (ALLA, 1989) y "Escrito na ceniza" (ALLA, 2007); algamando les dos últimes el Premiu de Novela Curtia de l'Academia de la Llingua Asturiana.