Rede Eléctrica espera acabar nel 2010 la llinia Soto-Penagos, que yá tien el 60% de la obra executada

Rede Eléctrica d'España (REE) acabó'l próximu añu la rede de 400 kilovatios (kv) en Cantabria, y ente'l 2010 y el 2011 van tar tamién acabaes les actuaciones y meyores nes principales llinies de 220 kv, asegurando con ello la evacuación a la enerxía que se diba producir nos parques eólicos d'esta rexón. Asina, ente les llinies a acabar nel 2010 tán la de Soto-Penagos, que tien yá'l 60% de la obra executada.

   El Gobiernu cántabru y Rede Eléctrica pesllaron yá un acuerdu que va firmase nos próximos díes, polo que REE comprométese a realizar les actuaciones necesaries pa que la rede de tresporte eléctricu en Cantabria tea en condiciones de dar salida a los 1.500 megavatios (MW), proyeutaos pol Executivu autonómicu nel desarrollu eólicu.

   El presidente de REE, Luis Atienza, y la vicepresidenta cántabra, Lola Gorostiaga, dieron cuenta güei d'esi acuerdu nuna rueda prensa na que tamién los acompañeros el conseyeru d'Industria y Desarrollu Tecnolóxicu, Juan José Sota, y el director xeneral d'Operación de REE, Alberto Carbajo.

   El principal elementu p'asegurar esa evuación va ser precisamente la llinia d'alta tensión Soto-Penagos-Güeñes (400kv), que según les previsiones d'Atienza, va tar acabada nel 2010 en dambos tramos.

   Así, ente la población asturiana de Soto Ribera y la cántabra de Penagos yá ta executáu'l 60 por cientu de la obra y espérase la so acabación pal 2010, una vez superaes yá toles "torgues" que se fueron produciendo na so tramitación y les dificultes llegales.

   Tamién pal próxsimu añu prevése acabar el trazáu dende Penagos al conceyu vizcaín de Güeñes, que ta al 60 por cientu, y espérase de la mesma manera tar "en condiciones de poner en serviciu" la subestación de Penagos y la elevación de tensión na llingua Aguayo-Penagos "dientro d'esti añu".