El teatru asturianu, a debate en Xixón

La Tertulia Pachín de Melás, que dende hai unos meses vien desarrollando en Xixón alderiques abiertos sobre bayura de temes sociales y culturales, anuncia pa esti martes 30 de xunu un nuevu alderique col títulu de "Vida, pasión y muerte del teatru asturianu". Nelli van participar Toño Caamaño de Producciones Nun Tris y José Ramón Oliva del grupu de teatru costumbrista de Carbayín. L'actu va tar presentáu por Rubén Ardura.

La Tertulia Pachín de Melás vien organizando dende’l so nacimientu, el pasáu mes d’avientu del 2008, cuatru Tertulies empinaes a mui diferentes ambitos: “La ZALIA contra Asturies”, “Normalización de la llingua asturiana”, “¿Qué facer cola prostitución?” y "El nacionalismu asturianu na transición".

Como nel restu de los casos la Tertulia Pachín de Melás va tener llugar na Cervecería Astuera (C/ Joaquín Fdez. Acebal, 2. Detrás del Centru San Agustín de Xixón) a les 20.30 hores.