El Muséu del Pueblu d'Asturies celebra una romería

|

Xuegos tradicioanles, amueses de baille asturianu, teatru y conciertos de grupos folk y bandines tradicionales igüen el programa de la romería que'l Muséu del Pueblu d'Asturies de Xixón tien entamáu pa esti sábadu día 27. Lo cercano de la fiesta local xixonesa de San Pedro el llunes 29, fai qu'estos díes se viva un ambiente festivu na Villa de Xovellanos. La cultura tradicional asturiana va aportar lo suyu a la folixa con esta romería.
 
 Les actividaes entamen ya pela mañana a les 11:00 la mañana, con procesiones, misa y los bailles de los grupos Escontra'l Raigañu d'Avilésy Na Señardá de Xixón. Pela tarde xuegos tradicionales y teatru de guiñol van entretener a los críos, mientres que la bolera del Muséu va acoyer una partida de la Peña Bolística Asturiana. A lo cabero de la tarde va haber un concursu de bailles, a lo suelto y a lo agarrao, y pa finar la xornada, a eso de les 20:30 hores, va haber un conciertu de Los Ciquitrinos y Los Gatos del Fornu, dos formaciones de folk asturianu que dende l'añu pasáu realicen un espectáculu conxuntu. Los dos grupos apuesten por un actitú folixera y qu'invita al baille, colo que son una bona escoyeta pa rematar un día nel que la música asturiana y el baille sedrán el principal argumentu pa nun perdese la romería. El programa del día puede consultase completu nesti enllace.

AdxuntuTamañu
PDF icon ROMERIA TRIPTICU[1].pdf205.63 KB
Contador Estadistiques