El plenu del Conseyu de Patrimoniu Cultural d'Asturies ta acabante de declarar la "Fábrica de Loza" de San Cloyo, nel conceyu d'Uviéu, como primer "Bien d'Interés Cultural" (BIC) de calter industrial del nuesu país. Esta fábrica fundóse nel añu 1901 y peslló dafechu'l pasáu mayu, depués de 108 años d'actividá.

Esta ye la primer declaración como BIC d'un elementu del Patrimoniu Industrial asturianu, según informa'l Gobiernu asturianu. La iniciativa partío del Conceyu d'Uviéu, qu'entamó l'espediente pa esta declaración como BIC cola categoría de Conxuntu Históricu. D'esti mou va configuráse un Conxuntu Históricu d'una estensión de 6,85 hectárees.