El Principáu concedió l'autorización ambiental a la compañía Asturiana Xeneración d'Electricidá, participada pola irlandesa ESBI, pa la instalación d'una planta de ciclu combináu en Corvera. Esta autorización recueye los aspeutos medioambientales exixibles tanto pol Conceyu de Corvera como pol Principáu, el Gobiernu d'España y la Unión Europea.

   Una vez algamada la declaración d'impautu ambiental y l'autorización ambiental integrada, el siguiente pasu ye la concesión per parte del Ministeriu d'Industria, Turismu y Comerciu de l'autorización alministrativa, según informó la empresa al traviés d'una nota prensa.

   La nueva planta de ciclu combináu d'Asturies Xeneración d'Electricidá va tener una pontencia nominal de 860 MW, con una inversión estimada de 600 millones d'euros y va dar emplegu a 150 trabayadores directos y indirectos demientres la fase d'esplotación. Demientres la construcción van trabayar una media de 600 persones nes obres.