Riopedre apuesta por recuperar el deporte tradicional de los bolos nos centros educativos asturianos

|

El conseyeru d'Educación y Ciencia del Principáu d'Asturies, acompañáu pol presidente de la Federación de Bolos del Principáu d'Asturies, Desiderio Díaz, inauguró ayer la nueva bolera del Colexu Públicu "Jacinto Benavente", asitiáu na parroquia xixonesa de Vega. Riopedre mostróse partidariu de recuperar el deporte tradicional de los bolos nos centros docentes.

   Según informó'l Principáu al traviés d'una nota prensa, la Conseyería d'Educación y la Federación de Bolos del Principáu d'Asturies caltienen una estrecha collaboración pa dotar a los centros educativos de les instalaciones apropiaes pa practicar esti deporte tradicional asturianu. "Los bolos nun sólo representen una tradición deportiva del Principáu, sinón tamién un importante fechu cultural que queremos recuperar nos nuesos centros", esplicó José Luis Iglesias Riopedre.

   Nesti momentu, 58 centros docentes asturianos cuenten con bolera propia y les previsiones d'Educación apunten a qu'al acabar l'actual llexislatura van algamase les 70 instalaciones d'estes característiques na rede educativa. "Tamos realizando una bona apuesta y una magnífica recuperación de la tradición deportiva y cultural asturiana", añadió'l Conseyeru.

   Demientres la so visita al Colexu Públicu "Jacinto Benavente", el titular d'Educación espresó tamién el so compromisu cola creación d'una pista cubierta nes instalaciones del centru.

Contador Estadistiques