Un añu más el conceyu de Bimenes entama otra vuelta la "Fiesta de la Oficialidá de la Llingua Asturiana", un eventu que va desarrollase ente los díes 26 de xunu y 4 de xunetu y col que se quier facer alcordanza de la declaración d'oficialidá del nuesu idioma nel conceyu yerbatu nel añu 1996. Una fiesta qu'axunta dellos actos y que tien nel sábadu 4 de xunetu'l so día central.
Anque les actividaes d'esta fiesta yá emprincipien a fines d'esti mes, va ser el sábadu 4 de xunetu'l que concentre la mayor parte de les actividaes. Esti día a les 11:00 hores ye l'apertura de la VII Feria d’Artesanía y Mercáu de Productos Agroalimentarios. A les 12:00 hores va haber un Pasacais de los grupos folklóricos Los Yerbatos (Bimenes), Oter de Fumos (Valladolid) y Os Pauliteiros (Miranda del Douro) hasta la Casona de los Careaga. Darréu nesi llugar va facese'l pregón, que tará a cargu de Roberto González-Quevedo, escritor, filósofu, antropólogu y Secretariu de l’Academia de la Llingua Asturiana. A les 13:00 hores hai misa n’asturianu oficiada por José Manuel García de Jesús y cantada por "El Corriellu la Pandorga". Yá nel prau de la fiesta a les 13:30 hores ye la Puya’l ramu y a les 13:45 hores l'actuación de los grupos folklóricos enantes mencionaos. A les 14:45 hores ye la "Xinta popular".
Pela tarde de les 16:00 a les 18:00 hores va desendolcase un taller de manualidaes pa neños, a cargu de l’Asociación Sociocultural Afayaivos. A les 18:30 hores va tener llugar el X Concursu de Gaiteros y Gaiteres Mozos. Y finalmente a les 23:00 hores un conciertu cola actuación de "Los Gatos del Fornu" y "Los Ciquitrinos".
El programa completu puede consultase nesti enllaz (PDF).
La coordinadora de 'Xosé Bolado. Fálame Duce' y 'Palabres blanques. Testos d’Historia y Crítica lliteraria (Esbilla)', publicaciones asoleyaes con motivu de la XLIV Selmana de les Lletres Asturianes, fala de les mesmes y sobre la figura de Xosé Bolado, poeta y críticu lliterariu al que se-y dedica esta edición de la gran celebración de la nuesa lliteratura.
