Cultura comprométese a inaugurar a últimos d'añu l'Archivu Históricu d'Asturies

La ministra de Cultura, Ángeles González Sinde, treslladó a la conseyera de Cultura y Turismu del Principáu d'Asturies, Mercedes Álvarez González, el compromisu del Gobiernu pa inaugurar a últimos d'añu l'Archivu Históricu de la Comunidá. L'Executivu central financió los 15 millones d'euros necesarios pa la so puesta en marcha.

   Según esplicó la conseyera, les obres d'acondicionamientu del edificiu yá s'acabaron na ciudá d'Uviéu y los sos fondos provienen del sieglu XVI.

   Con respeuto al muséu Arqueolóxicu, pal que la subasta pública de contratu pa la execución de les obres publicóse esti sábadu nel BOE, la conseyera asturiana afirmó que la ministra-y manifestó'l so compromisu pa entainar "lo máximo posible" tola parte gráfica.

   De la mesma manera, la Conseyería recordó que l'Executivu central destinare 10,2 millones d'euros pa la construcción del edificiu del muséu y 5,2 millones pal equipamientu del mesmu, lo que diba tornar nuna duplicación del espaciu qu'acoyía enantes del muséu. Va ser un centru esperimental n'onde s'investiguen nueves técniques pa la conservación de los materiales.