La Universidá de Rennes asoleya un estudiu sobre'l mirandés

Col títulu de "Le Portugal bilingue. Histoire et droits politiques d’une minorité linguistique: la communauté mirandaise" ("El Portugal billingüe. Historia y derechos políticos d'una minoría llingüística: la comunidá mirandesa") la universidá bretona de Rennes asoleya un estudiu de Michel Cahen, investigador francés especializáu n'historia colonial portuguesa.

Michel Cahen analiza nesti estudiu la historia de la Tierra de Miranda y de la so llingua, perteneciente al tueru asturlleonés, asina como la evolución que siguió hasta'l so reconocimientu oficial pol estáu portugués nel añu 1998. Estudia tamién les relaciones ente llingua y identidá mirandesa y les razones poles qu'esta minoría llingüística nun derivó nuna minoría nacional.

Con prólogu d'Alain Viaut, la obra ta recién editada por "Presses Universitaires de Rennes".