Ecoloxistes n'Aición pide la intervención de los órganos ambientales polos rellenos d'El Musel

Según informó al traviés d'un comunicáu, el colectivu pudo comprobar que l'Autoridá Portuaria de Xixón ta conectando a les dragues a una tubería flotante, pa efectuar el vertíu de los materiales con destín a l'ampliación del puertu, lo qu'al so xuiciu ye una "clara evidencia de que la so denuncia yera rigurosa y bien fundamentada".

   Amás demuestra que tovía sigue sin cumplise la resolución pola que se formula la Declaración d'Impautu Ambiental (DIA) sobre'l proyeutu de 'Dragáu nes zones I y II de les agües del puertu de Xixón pal algame de materiales con destín a la obra d'ampliación del puertu'.

   Dende Ecoloxistes n'Aición pretenden informar a la opinión pública que toes estes midíes de proteición con respeuto al mercuriu, son coherentes cola opinión xeneralizada de que la contaminación por esti metal ye "una amenaza mundial y asina lo recueye claramente la Evaluación Global del Mercuriu del PNUMA (Programa de Mediu Ambiente de les Naciones Uníes)".