Los establecimientos de turismu rural asturianos, a la cola n'ocupación pal puente festivu

Los establecimientos de turismu rural asturianos tán a la cola en cuanto a ocupación pal próximu puente festivu, según los datos recoyíos por Toprural.com. N'Asturies prevése una ocupación del 67,1 por cientu de les places, sólo penriba de Galicia y Canaries.
   La información, que foi atropada por Toprural.como al traviés de los calendarios de disponibilidá de los propietarios, destaca qu'hai cinco comunidaes autónomes que rexistren plena ocupación demientres el puente de la Constitución y éstes son: Navarra (97,9%), Castiella Lleón (97,7%), Cataluña (95,0%), Castiella La Mancha (94,8%) y Estremadura (94%).
   Igual qu'asocedió demientres el puente de la Constitución el pasáu añu, los primeros puestos del ranking tán ocupaos por rexones del interior del país, menos Cataluña, que tamién torna na única CC.AA del Top5 qu'estrena lideralgu en cuanto a nivel d'ocupación demientres esti tipu de puentes (pasa de la sesta posición nel 2007 col 87,7% a la tercer posición con un nivel d'ocupación de 95%).
   Si se comparen los datos d'ocupación del puente de la Constitución col mesmu periodu del añu anterior, obsérvase un incrementu de casi nueve puntos porcentuales (80% nel 2007 frente a 88,7% nel 2008). Amás, toles rexones (menos Canaries) tán penriba del 65,6% d'ocupación.
   Les provincies o isles con mayor tasa d'ocupación demientres el puente de la Constitución son: Güelva (100%), Ourense (100%), Gran Canaria (100%), Salamanca (99,2%) y Burgos (98,5%).