L'Atenéu de Turón acueye un "Recital de poesía moza"

El xueves 18 de xunu a les 19:30 los poetes Pablo X. Suárez, Sofía Castañón y Carlos Suari lleerán parte de les sos obres ente'l públicu del Atenéu de Turón. Trátase d'un recital qu'axunta a autores mozos (menores de 30 años) pero que yá cuenten con dellos años de trayectoria poética. Esti actu va pesllar el ciclu d'Alcuentros con Autores d'esta temporada entamaos pol Serviciu de Normalización Llingüística del Conceyu de Mieres.