Un sector d'Andecha Astur califica de "fraudulenta" la candidatura d'esta organización y desixe la so retirada

|

Al traviés d'un comunicáu, los 65 "militantes d’Andecha Astur que lluchen pola democracia interna nel so partíu", que caltienen un procesu contenciosu-alministrativu contra la direición d'esta formación realizaron güei un llamáu a la mesma pa que retire la so candidatura "fraudulenta" a les elecciones europees, basándose nel autu xudicial que, con fecha 29 de mayu, confirmó un requerimientu anterior nesti sen.

"En nome de los 65 militantes", s'exixe a la formación "que cumpla'l requerimientu xudicial sin tratar de buscar escuses", porque "ye terminante". Recordaron tamién que, nel autu, el xuez dexa claro que "los que presentaron dicha candidatura nun formen parte de la direición del partíu, y poro nun puen participar na so representación nel procesu electoral".

Según afiten "llamentamos tener que dir a los tribunales en defensa de la democracia interna del partíu, pero queremos recordar que fue esta minoría sedicente la qu’entamó les actuaciones xudiciales en febreru de 2007, de magar  la ellaboración d’actes con conteníu falsu, con el fin evidente de quedase coles sigles d’Andecha Astur y apartar a la mayoría de los militantes, a los qu’agora acusa de pasase a otros partíos, nel colmo de la so hipocresía".

SUSPENDIDA D'ACTIVIDAES

Xunto col comunicáu, esti sector críticu fizo públicu güei l'autu xudicial del 29 de mayu que confirma lo dictao n'otru anterior del mesmu xulgáu, con fecha 29 de marzu. Nel mesmu, como nel so día adelantó Europa Press, s'ordenaba la suspensión de toles actividaes y acuerdos de la Xunta Executiva d'Andecha Astur, elixida nun Conceyu Xeneral con fecha 5 d'abril del 2008.

Nel testu se realiza "especial" mención a l'anulación de los acuerdos "referíos a la presentación baxo les sigles Andecha Astur a les elecciones europees a celebrar el 7 de xunu del 2009". Tamién s'ordena'l cese del usu de les sigles Andecha Astur na páxina web andecha.org, asina como de la direición de corréu electrónicu info@andecha.org.

Sicasí, la Xunta Electoral almitió la candidatura rexistrada pa les elecciones europees, motivu pol que los representantes del sector denunciante presentaron, con fecha 15 de mayu, una solicitú pa que'l xulgáu requiriere'l cumplimientu de la midida preventiva dictada. Nel so últimu autu, el tribunal acordó estimar esti requerimientu, y en consencuecia, ordenar la retirada de la candidatura a los demandaos.
 

Comentarios

BASTA YA; UNA ´METEIVOS EN LO VUESTRO.
AA fexo un conceyu xeneral a entamos de mayu, del que casualmente nun falais.
 
 

Autu xudicial del 29 de mayu que confirma lo dictao n'otru anterior del mesmu xulgáu, con fecha 29 de marzu. Nel mesmu ordenaba la suspensión de toles actividaes y acuerdos de la Xunta Executiva d'Andecha Astur, elixida nun Conceyu Xeneral con fecha 5 d'abril del 2008.
Especial mención a l'anulación de los acuerdos referíos a la presentación baxo les sigles Andecha Astur a les elecciones europees a celebrar el 7 de xunu del 2009.
El 29 de marzu el Sr. Xuez dizvos que suspende toles actividaes y alcuerdos de la Xunta Executiva elixida'l 5 d'abril del 2008, ente ello la posibilidá de facer otru Conceyu Xeneral como'l que ficisteis en mayu.
Hai 65 militantes d'Andecha Astur a los que se nos ta torgando facer activa la nuestra militancia.

65 ES-militantes de Andecha Astur (angüañu na UNA). Curiáu coles verdaes a medies.
EL que el xuez de la razón a los ES- de Andecha Astur (angüaño na UNA ), nun quier dicir que tengan razón, poro como tal hai que respetala, anque supongo que la recurrirán los de Andecha Astur.

 
Nun odio lo que soi
Odio lo que me fain ser.

El domingu vas poder votar Andecha (como siempres)
Los collacios del sistema que sigan mordiendo'l so velenu.
San Patriciu pudo echar toles serpientes d'Irlanda y
la Santina nun va ser menos,

PUXA ASTURIES DIXEBRÁ

 

Iyán, nun se si tienes 15 años, anque polo qu'escribes, sobre too por esi ¿¿¿poema??? (que mete mieu) paez que si. Si llees la noticia (lleistela?) nun se noma pa na a la UNA. Eso invénteslo tu. Dexa d'enredar y de meter a xente nesti asuntu que nun tien nada que ver colos lios internos d'Andecha, que por cierto vienen d'hai mas de trés años.

Nun ye de mio ye de la páxina de Glayíu, ... La noticia tien la mesma credibilidá que la RTPA, o "Teletini" debería dicir.  Y agora dirás esti nun respeta nin lo que diz el xuez, pues sí lo respeto pero supongo que se recurrirá: amás ye sospechoso que un tema que bien de hai tres años salga la sentencia CASUALMENTE tan cerca d'unes elleiciones y tras denunciar AA y PCPE al PSOE EN LLÁNGRÉU y facer lo del "Tinitón"colo que yo digo que pue tar detrás d'ello el PSOE y non la UNA, anque evidentemente-yos beneficia. "PSOE"Nun vais poder callar a AA, y al final el tiempu pon a caún nel so sitiu a IU y PSOE nel peselbreru, y a AA desapaecida per orde d'unos supuestos militantes de AA ANGUAÑU,amigos de la "UNIDÁ".

A perru flacu too son pulgues... na casa onde nun hai panchón toos riñen y toos tienen razón...

Gabis

Contador Estadistiques