La llinia aérea ente Asturies y Londres tuvo más de 70.000 viaxeros nel 2006

La compañía de vuelos baratos Easy Jet movió nel añu 2006 un total de 74.194 viaxeros con destín o salida nel aeropuertu d’Asturies, dende onde opera una llinia con Londres. Nel 2005, añu en qu’echó a andar el serviciu, EasyJet moviere 62.523 pasaxeros, anque los vuelos diarios a la capital inglesa colos qu’entamare’l serviciu nel mes d’abril d’aquel añu quedaron dempués menguaos a dellos díes de la selmana pa concasar la ufierta cola demanda. EasyJet tamién refugare nel 2005 entamar una llinia con Berlín, como prometiere nel momentu d’entamar a operar dende Asturies. Agora, y dempués de facer balance del so primer añu completu d’operaciones n’Asturies, la intención de la empresa ye meyorar estos númberos y reforzar los sos servicios, pa lo que va echar a andar el día 16 d’esti mes de febreru qu’entra’l so anunciáu enllaz con Madrid, que va entamar de mano con dos vuelos diarios en cada sentíu y con precios dende los 25,99 euros.