"Apocalypto" la película en maya de Mel Gibson protagoniza les estrenes de la cartelera

"Esti vienres llega a les pantalles de cine del nuesu país la nueva superproducción del actor y director australianu Mel Gibson, entitulada ""Apocalypto"". La película narra los últimos momentos de la civilización maya, xusto enantes de que llegaren los conquistadores castellanos. Protagonizada por actores indíxenes desconocíos, como yá fixere col so anterior trabayu, ""La pasión de Cristo"", que tenía los diálogos n'araméu, nesti casu la película ta rodada dafechu en llingua maya. Segun declaró'l propiu Mel Gibson a laprensa mexicana ""el maya ye una llingua maravillosa y la mio esperanza ye qu'Apocalypto la reivindique, que la xente la fale con orguyu, y que tamién xenere un interés poles llingües indíxenes que tan amorteciendo n'otres partes del mundu y les preserve"". Otra estrena de la selmana ye l'últimu trabayu del norteamericanu Tim Robbins, entituláu ""Atrapa el fuego"", un thriller asitiáu na Sudáfrica del apartheid. El restu de les estrenes de la selmana puen consultase na nuesa cartelera."