Valledor afirma que ye inconcebible un nuevu pautu ente PSOE y IX ensin oficialidá nel estatutu

"El conseyeru de Xusticia, Seguridá Pública y Rellaciones Esteriores, Francisco Javier García Valledor, declaró ayeri nel trescursu d'un actu d'entrega de diplomes del Institutu Asturianu de Prevención de Riesgos llaborales que si la próxima llexislatura va ser la de la reforma del Estatutu ""ye inconcebible qu'haya un pautu de gobiernu ente la FSA e IU-BA ensin que los elementos centrales d'esa reforma s'alcuerden y pauten poles fuerces qu'aspiren a gobernar conxuntamente"". Ente estos elementos centrales Valledor refirióse a la cooficialidá del asturianu.

En referencia a l'actitú de los sos socios de gobiernu de la FSA-PSOE nel tema del asturianu, Valledor calificó de ""importante que los portavoces del PSOE aprendieren a conxugar y utilizar la palabra oficialidá"" en cuantes que ""na midida en que van verbalizándola van afitándola nes sos conciencies"" anque reconoció va ser ""un procesu d'aprendizaxe lentu"". El conseyeru de Xusticia afirmó que'l de la cooficialidá del asturianu nun va ser l'únicu asuntu a negociar colos socialistes, comentando Valledor la esixencia d'IX de que la inspección de trabayu pase a depender dafechu de la comunidá autónoma."