Sindicatos y Caxastur siéntese a negociar

"Los sindicatos representaos na entidá financiera asturiana Caxastur acuden güei a la primer reunión cola empresa dempués de les dos xornaes de fuelga que vivió la empresa nes pasaes navidaes. Les centrales sindicales aseguren que van a la reunión con voluntá de llegar a un alcuerdu sobre les condiciones de trabayu na empresa, anque ún de los puntos a tratar, la realmisión del representante del sindicatu Corriente Sindical d'Izquierda, nun almite negociación posible pa los representantes de CCOO, UXT y CSICA.

Los sindicatos entamaron la fuelga nun momentu de muncha tensión cola directiva de la caxa, que nun entraba a negociar unes nueves cindiciones llaborales na empresa, dalgo que dende sindicatos como CCOO consideróse como ""inaceptable"", acusando a Caxastur de ""tar faciendo beneficios bien curiosos mientres lleva alantre contrataciones en precario y con salarios de miseria"". Los sindicatos aludíen tamién al estatus de Caxastur como ""entidá semipública"" como un agravante de la situación, en cuantes qu'entendíen que nun cabía qu'una entidá d'estes característiques aplicare eses condiciones."