El paru INEM baxó n'Asturies 6,77 puntos nel 2006

"Asturies peslló l'añu 2006 con 52.913 paraos inscritos nes oficines del Serviciu d'Emplegu. Los datos del paru INEM, conseñen polo tanto 3.840 desempleaos menos que n'avientu del 2005. Ello supón una baxada interañal del 6,77%, un datu que meyora en trés puntos la baxada del paru nel conxuntu del estáu, que s'asitió nel 3,81%..

Según los datos del Ministeriu de Trabayu, de los más de 52.900 paraos asturianos, más de la metada correspuenden al sector servicios (34.667), mientres que la industria con 6.045 y la construcción con 5.320 son os otros dos colectivos con más paru. 6.286 persones en paru nun teníen otru trabayu anterior, mientres que'l campu asturianu apurre 595 paraos.

El mercáu llaboral asturianu caltién la diferencia de xéneros, y asina mientres 32.266 de los desemplegaos asturianos son muyeres, solo 20.647 son homes. Por edaes, los menores de 25 años representen 6.406 paraos. El colectivu de paraos estranxeros sigue medrando adulces, y 1.940 demandantes d'emplegu n'Asturies son estranxeros, 447 d'ellos comunitarios."