L'escritor Adolfo Camilo gana'l premiu de novela en llingua asturiana Xosefa Xovellanos

"L'escritor Adolfo Camilo resultó ganador de la XXIX edición del premiu de novela en llingua asturiana Xosefa Xovellanos, que concede la Conseyería de Cultura y Turismu del Principáu, por un trabayu tituláu 'Advenimiento'. El xuráu que concedió esti galardón ta presidíu pola directora xeneral de Promoción Cultural y Política Llingüística, Consuelo Vega Díaz. Otros dos trabayos optaben a esti premiu dotáu con 7.000 euros.

El xuráu qu'adoptó la so decisión por mayoría destacó que'l testu premiáu supón una renovación de la narrativa asturiana nel aspeuto temáticu.

Adolfo Camilo Díaz (Caborana, 1963), historiador y Académicu de la Llingua Asturiana, ye un narrador de reconocida trayeutoria tanto n'asturianu como en castellán. Ganó dalgún de los premios más prestixosos de la lliteratura asturiana y varies de les sos obres tornáronse al portugués, inglés y francés. Como ensayista, publicó títulos de referencia pa entender la cultura en toles sos formes, principalmente nel campu del análisis de la escena asturiana."