L'historiador Evaristo C. Martínez-Radío presenta dos obres sobre la historia militar d'Asturies

Esti próximu xueves 4 de mayu tendrá llugar en Madrid la presentación de la segunda edición, iguada y ampliada, del llibru "La Guerra de Sucesión y Asturias", estudiu del historiador Evaristo C. Martínez-Radío. Asimesmo va presentar tamién la obra "La Alarma asturiana ante la ocupación francesa de 1810". L'historiador asturianu aborda nestes dos obres aspectos mui poco estudiaos na historia contemporánea del nuesu país. D'estes obres habrá otra presentación n'Asturies, nesti casu nel Club de Prensa Asturiana d'Uviéu'l 23 de xunu a les 20 hores.

Evaristo C. Martínez-Radío Garrido (Uviéu, 1975) ye anguaño miembru del grupu d'investigación del Principáu d'Asturies patrocináu pol Centro de Estudios Políticos y Constitucionales pa la realización del "Diccionario Biográfico de Parlamentarios Españoles". Los sos trabayos especialícense en Historia social militar, centrándose enforma nel sieglu XVIII. Esti historiador asturianu foi Premiu d'Investigación Padre Patac 2007 cola obra "La Guerra de Sucesión y Asturias" (KRK, 2009), un trabayu nel qu'aborda aspectos inéditos na historiografía asturiana.