El paru baxó n'Asturies un 1,29% en mayu, pero aumentó en 22.041 persones nel últimu añu

El paru conseñáu nes oficines del Serviciu Públicu d'Empléu del nuesu país baxó en 951 persones nel pasáu mes de mayu, lo que representa un 1,29 por cientu. Esti datu dexa'l númberu de desempleaos n'Asturies nun total de 72.819 al finalizar el mes, según los datos asoleyaos pol Ministeriu de Trabayu. Sicasí, nel últimu añu'l desempléu aumentó en 22.041 persones, un 43,4 por cientu.

Esti descensu notóse enforma nel sector de lso servicios y la construcción, mientres qu'aumentó na industria. De los 72.819 paraos asturianos, 38.746 son muyeres y 34.073 homes, 8,516 tienen menos de 25 años y 4.569 son estranxeros.

Esti descensu ye'l doble del que se rexistráu nel restu del Estáu, onde baxó un 0,68 por cientu depués de tar xubiendo 14 meses consecutivos.