La economía asturiana sigue presentando perspectives adverses, anque n'abril apaecieron signos positivos según Sadei

A lo llargo del mes d'abril se modificaron les perspectives adverses sobre la evolución de la economía internacional y estatal, anque siguieron apaeciendo signos positivos. Nesi panorama "sombríu" la economía asturiana tresmite unos síntomes paecíos que se puen concretar nuna cayida xeneralizada de l'actividá productiva, si bien dalgunos indicardores llaborales, d'ufierta y de demanda amenorguen el so ritmu de contraición.

   Asina se destaca nel avance de resultaos del mes d'abril del contestu económicu asturianu ellaboráu pol Sadei. Nel mesmu, esplícase que los datos del mes d'abril deben contemplase baxo los efeutos estacionales provocaos pola diferente llocalización de la Selmana Santa esti añu, n'abril y el pasáu marzu, lo que repercute favorablemente nunos casos pero n'otros non.

   Dientro del mercáu de trabayu, l'emplegu se reduz de manera significativa --el númberu de trabayadores n'alta llaboral afiliaos a la Seguridá Social se recortó 4,4%-- y el paru rexistráu sube con fuerza, pero les dos variables muestren síntomes de frenar el so deterioru.

   Pel llau de la ufierta, la construcción, dientro de la fase negativa pola que transita, ye l'únicu sector que muestra señales de cierta reactivación relativa. Pela so parte, los servicios rebaxaron la llinia recesión de los últimos meses, gracies al aumentu de les actividaes turístiques nes fiestes de Pascua.

   En cuanto a la industria, la mesma apuntó los niveles d'actividá más baxos de los últimos años, asina l'Índiz de Producción Industrial d'Asturies baxó un 22,4%.

   Pa les actividaes primaries los resultaos productivos del mes son negativos, pero alentadores, poles circunstancies que se dan, viéronse agravaos amás pola cayida de los precios percibíos polos agricultores. Nel subsector pesqueru, l'avance productivu nun xeneró un incrementu de valor en rula.