Los sondeos dan el trunfu al PP nes elecciones europees
|
31 Mayu, 2009 por Pablo R. Alonso
- Inicie sesión o rexístrese pa espublizar comentarios
Los principales diarios publiquen esti domingu encuestes electorales de cara a les elecciones europees del próximu 7 de xunu. El denominador común de toes elles ye la victoria del Partido Popular sobre'l PSOE. Según estes encuestes algamaríen representación na eurocámara la "Coalición por Europa" (CiU-PNV-CC) con ente dos y trés escaños, Izquierda Unida ente 1 y 2, "Europa de los Pueblos" (ERC-BNG-Aralar-CHA-EA-Verdes) tendría ente 1 y 2. UPyD podría conseguir un escañu.
El País, El Mundo y l'ABC publiquen esti domingu encuestes electorales que dan la victoria a los populares nes elecciones europees. D'esti mou'l PP tendría ente 41,2% al 42,8% y obtendría 23 o 24 diputaos mientres que'l PSOE tendría un 40,6% con 21 ó 22 según El Mundo. PP algamría'l 43% de los votos y el PSOE un 39,3%, según El País y finalmente l'ABC da-yos un 40,9 por ciento a los populares y 23 eurodiputaos y un 38,7 por ciento y 21 eurodiputaos a los socialistes.
Coalición por Europa, IU, Europa de los Pueblos y UPyD tamién algamaríen representación
Estes formaciomnes y coaliciones seríen les otres que tamién algamaríen representación. La "Coalición por Europa" (CiU-PNV-CC), qu'anguaño tien dos escaños querdaría con ente dos y trés escaños. Izquierda Unida tamién tien 2 y o bien mantendríalo o baxaría un diputáu. Pela so parte "Europa de los Pueblos" (ERC-BNG-Aralar-CHA-EA-Verdes) tendría ente 1 y 2 escaños. Finalmente los españolistes d'UPyD podríen conseguir un escañu. El restu de formaciones y coaliciones nun tendríen representación según los datos de los trés diarios.
Toles encuestes asitien la participación en menos del 50% del electoráu.
Efrén d'Andrés
Comentarios
Iniciativa Internacionalista siempres la gran marxinà nes encuestes, ta raspiando el diputau y Asturies pue algamar una voz n'Europa que tanta falta mos fai.Puxa Asturies Dixebrà y Puxa I.I!!!
como dicía Carlos X. Blanco nun artículu mas qu'Iniciativa Internacionalista, n'Asturies mas bien ye Iniciativa Paracaidista. A mi que los vote quién quiera, pero que nun me lo vendan como una opción nacionalista p'Asturies. Nun veo yo a Alfonso Sastre o Doris Benegas mui esmolecios por Asturies. Sabemos qu'opinen de la regasificadora, o del Muselón? cuala ye la so posición frente a la evalucación del profesoráu o del AVE del cantábricu?
Agora toca votar a I.I porque ye lo guai y lo antisistema. En fin...
¿Nordés digote yo a ti lo que tienes que votar? Iniciativa Internacionalista nun ye la panacea, pero si tien polo menos una posibilidá d'algamar diputau, cosa que UNA y AA nun tienen nin tendran con esi sectarismu de gallu la quintana.
Asina mos lluz el pelo.
La única opción asturiana tovía, pa mi, nun se creo. Tolo que furrula agora perende son migayes. Veo bien el proyeutu d'UNA, pero si se xuntara con IU-BA, sobremanera con BA, garraría otru aquel la cosa. Ensin xuntanza nun facemos nada.
Ye más. Yo nun sé si dalguien reparó nello pero, si nun mos xuntamos, pue que nes próximes autonómiques tengamos otru partíu na Xunta Xeneral de calter españolista: UPyD. Y como IU-BA esapaeza, y el PSOE y PP sigan onde tan vamos cuesta abaxo y sin frenos.
UPyD yá dixo bien claro nunes entrevistes, y persábese quien y cómo son, que nun quieren nada col asturianu.
Y como nun mos xuntemos y metamos la pata na Xunta estos van facelo. Que tan subiendo en toles encuentes. Deseo muncho equivocame, pero en Madrid yá tienen un diputáu y si saquen unu en Bruseles van empezar a tener perres y a mover yá munchos filos.
Jajajajajajajajajaja, por eso Asturies enxamás tendrá representante nacionaliegu, hasta los que se dicen más pernacionaliegos faen campaña por opciones non asturianes. Por esa riegla tres, PP, PSOE, IU, tamién representen, y munchu más anque namás seya por volume de votos, a aquello qu'escueye democráticamente, eleccción tres elección, el 97% de los votantes asturianos, anque nun nos guste.N'Asturies nun hai partíos nacionaliegos, rexonaliegos, asturianiegos porque siempre hai escusa pa votar otres opciones que pa lo más del electoráu, mesmamente el que se mueve nel campu "nacionaliegu", son más interesantes. Eso, anque manque, ye mui mui asturianu, l'internacionalismu mal entendíu. Tou un fenómenu social que nos fai entender munches coses aparentemente inesplicables...per nun tanto...
Gabis
Vamos ver Belenos, yo nun digo a quien tien que votar a la xente, y asina punxelo nel mio mensaxe. Nin siquiera dixi a quién voi votar yo nin voi pidir el votu pa naide como tu faes. Lo que digo ye qu'esti rollu d'Iniciativa Internacionalista pa mi, como nacionalista, ye un bluf.
Aterrizaron de repente, nun sabemos nada de la so politica p'Asturies nin veo que xente como Alfonso Sastre o Doris Benegas tean mui esmolecíos polos problemes d'Asturies. Pero agora ye la marca de moda, lo antisistema, lo guai. Mui bien, votailos si quereis, pero nun me vendais la moto d'Iniciativa Internacionalista como algo de futuru pal nacionalismu asturianu o pal nuesu país.
Bono nin, nun voi montar espolinos por ver quien ye mas nacionaliegu eso dexolu pa UNA y AA, namai falé de que tien una posibilidá d'alagamar diputau y polo menos un partiu que reconoz la llingua asturiana, el calter nacional d'Asturies, los territorios historicos, eso yá ye un pasu de la marxinalidá a la que tamos sometios a tar n'Europa anque nun tenga la so sede equí, y depués de los resultaos si algamen daqué entos podrá falase de tolo que dices entá ye ceo.