Mediu Ambiente invierte 17,5 millones en 30 reserves de la Biosfera, ente les que tán Redes, Somiedu y Muniel.los

28 Mayu, 2009 por E.P. / Redacción

Inicie sesión o rexístrese pa espublizar comentarios

El Ministeriu de Mediu Ambiente y Mediu Rural y Marín va invertir 17,5 millones d'euros n'actuaciones de desarrollu rural sostenible en 30 reserves de la biosfera, que xestionen les comunidaes autónomes, asina como corporaciones llocales. Ente elles, tán les asturianes de Redes, Somiedu y Muniel.los.

A la cifra va sumase la cantidá qu'aporten otres alministraciones públiques implicaes, colo que va llegase a un total de 35 millones d'euros. Ye'l mayor esfuerzu d'inversión hasta la fecha pa la consolidación d'estos espacios y la intención ye que la iniciativa caltenga la so continuidá nos próximos años pa estos espacios que constitúin un "exemplu singular y exeicional" pa la puesta en marcha de la Llei de Desarrollu Sostenible del Mediu Rural".

Según infomó'l Ministeriu, l'acuerdu adoptóse nel últimu conceyu del Comité MaB del Programa Home y Biosfera, órganu de tutela de l'aplicación n'España d'esta iniciativa promovida pola Unesco y que preside'l secretariu d'Estáu de Mediu Rural y Agua.

La iniciativa partió del departamentu que dirixe Elena Espinosa'l pasáu mes de xineru p'apoyar les actuaciones de la rede de Reserves de la Biosfera. Asina, se contempla la firma de convenios de collaboración que van confinanciase al 50 por cientu si son reserves de la biosfera de comunidaes autónomes, y al 66 por cientu si son de corporaciones llocales.

Les actuaciones previstes s'enmarquen nos oxetivos de la Llei de Desarrollu Sostenible del Mediu Rural, como nel propiu Plan d'Aición de Madrid aprobáu pola Unesco pal conxuntu de les Reserves de Biosfera. Trátase d'actuaciones mui diverses, ente les que s'inclúin les meyores d'infraestructures llocales, actuaciones de dotación de servicios, apoyu a la diversificación de l'actividá económica, consolidación del patrimoniu natural y cultural, puesta en valor de los recursos endóxenos, restauración ambiental y otres rellacionaes cola propia organización de les reserves de biosfera.

Comentarios

Nel Viliel.la wrote on 30 Mayu, 2009:

Sólu espero que los cuartos que tán destinaos a Muniel.los seyan pa gastalos nos dos pueblos que tán dientro la Reserva de Muniel.los (Valdebois y La Viliel.la) y non n'otros sitios ayenos a la Reserva de la Biosfera. En La Viliel.la tamos entá esperando pol allumáu públicu, l'arreglu la fonte de La Oul.lera, el llosáu de la capiya, el formigonáu de delles cais del llugar y otres obres, y enxamás lleguen les perres pa facelo. Yá tamos fartos d'espera dempués de venticincu años de pidilo. ¡Yá ta bien, coime!