La Xunta Eleutoral obliga a DN a retirar los sos cartelos

"La Xunta Eleutoral d'Asturies acaba dictar una resolución na qu'obliga a Democracia Nacional a retirar ""darréu"" los sos cartelos eleutorales. Nestos carteles el partíu fai alusión a la tasa de delincuencia na población inmigrante. Concretamente nos cartelos pue lleese:""¡Compórtate o lárgate! Contra los altos índices de delincuencia extrangera"". La xunta adoptó esta midida dempués de recibir la Policía d'Uviéu una denuncia por parte de la Coalición UNIDÁ, na qu'informaba de la colocación de los cartelos.

Representantes de Democracia Nacional espresaron la so disconformidá cola decisión, comentando que la Xunta Eleutoral ta ""metiéndose na propaganda d'un partíu llegal"". Asina mesmo nun alcuentra rempuesta a les causes poles que'l PP pue falar de los inmigrantes y ""Democracia Nacional non, dempués de llevar 30 años faciéndolo""."