Proyeición del documental "Señorita Extraviada"

"Con motivu de la celebración del ""Día Internacional de la Muyer"", Amnistía Internacional va proyeutar esti vienres 7 de marzu a les siete la tarde'l videu documental ""Señorita Extraviada"", sobre los asesinatos de muyeres en Ciudad Juarez (México). La proyeición va tener llugar nel salón d'actos del Cibercentru de ""La Lila"", n'Uviéu.

La cinta, d'una duración de 95 minutos y dirixida pola mexicana Lourdes Portillo, intercala voz en ""off"" colos testimonios de los familiares de tres de les moces desapaecíes nos caberos años en Ciudad Juárez y Chihuahua. Asina mesmo cuenta con bayura de documentos informativos que recueyen les declaraciones de los gobernadores d'estos estaos mexicanos, amás de les intervenciones de miembros de delles asociaciones de muyeres."