Entrega de los Premios AMAS

"La gala d'entrega de los Premios ""AMAS 2008"" tendrá llugar el vienres 29 nel Teatru Filarmónica d'Uviéu a les 21.00 hores. Estos galardones tán venceyaos al Anuariu de la Música d'Asturies y na gala participarán los grupos Alto volto y Tejedor con dos actuaciones en direutu.

Esti añu entréguense 22 Premios AMAS, siendo dos d'ellos honoríficos a Tino Casal y Nuberu polos trenta años de profesión. El restu los premios foron votaos al traviés de la páxina del Anuariu de la Música na rede, contabilizándose un total de 40.000 votos emitíos por más de 3.000 votantes.

Los galardones van ser entregaos por José Suárez Arias-Cachero, Conceyal Delegáu de Cultura y presidente de la SOF, Consuelo Vega, de la Conseyería de Cultura y Turismu, Javier Vidal de la SGAE, amás de personaxes del mundu de la comunicación, música y cultura."