Valledor diz que colos 135 millones del aumentu de coste d'El Musel diba solucionase'l saniamientu d'Asturies

El diputáu d'IU-BA-Verdes, Francisco Javier García Valledor, afirmó en Lluanco (Gozón) que colos 135 millones d'euros que se pidieron pa la "supuesta segunda fase d'ampliación d'El Musel" diben poder resolvese nel añu 2009 y el 2010 toles inversiones necesaries pal sanimiamientu de la comunidá, en rellación cola depuración de les agües y del abastecimientu.

   Valledor ofreció una rueda prensa en Lluanco xunto a la númberu 3 de la candidtura d'IU-BA-Verdes a les elecciones europees,  Marga Pulgar. Na mesa volvió mostrar la oposicón de la so formación a la construcción del embalse de Caliao, que diba poner en peligru una "biodiversidá con una riqueza altísima".

   Refirióse amás al alderique sobre la cesión de los residuos y recordó qu'hai posiciones diverses al respeuto y n'España, el PSOE ye firme opositor a la incineración de residuos nos llugares nos que nun gobierna, en cambiu n'Asturies el PSOE "defende la posición contraria dafechu".

   Marta Pulgar, pela so parte, asguró que "tanto PSOE como PP ficieron oyíos sordos a los informes de la UE sobre'l modelu de desarrollu urbanísticu desarrolláu n'España. Asina, criticó que "dalgunos s'atrevan a dar lecciones cuando en más de 70 por cientu de les votaciones que se desarrollen nel parlamentu européu dambos (PP y PSOE) voten de la mano".

   "Europa faló d'urbanismu, de caltenimientu y d'especulación, y lo fizo bien alto y claro, a pesar de que dalgunos quieren tener los oyíos tapecíos", dixo Pulgar, qu'indicó que los informes europeos dexaron claro qu'España tuvo un problema de desarrollu que tuvo basáu nel lladriyu sin tener la mínima preocupación poles persones nin pol mantenimientu medioambiental.