IU-BA-LV pide la revisión de la Llei de Violencia de Xéneru

"La candidata d'Izquierda Unida- Bloque por Asturies-Los Verdes al Congresu los Diputaos por Asturies, Laura González, pidió esti miércoles la revisión de la Llei de Violencia de Xéneru pa evitar ""la sangría"" y el ""terrorismu"" que sufren milenta muyeres en tol país.

Asina quedó espresao na so intervención nel alderique organizáu al rodiu de la campaña eleutoral nel Club de Prensa Asturiana, cuando fizo referencia a les cuatro muyeres asesinaes el martes poles sos pareyes o ex pareyes.

Pa la candidata d'IU, ""hai una lexislación nueva que pa ver si da resultaos hai que desarrollala bien y poner los medios económicos y efeutivos especializaos"" sorrayó. ""Si fai falta habrá d'iguase, pero sinón que se desarrolle de manera que tol territoriu d'España tenga los mesmos medios humanos y materiales pa encarar una situación dramática""."