La Plataforma pol Drechu al Albuertu manifiéstase güei peles cais de Xixón

"Baxo la proclama ""Derecho al aborto. Nosotres decidimos"" más de 40 asociaciones de muyeres, asina como partíos políticos y sindicatos, vindicarán esti xueves en Xixón la despenalización del albuertu y el drechu de la muyer a decidir. La manifestación, convocada pa les 19.30 hores, saldrá de la Plaza L'Humedal y finará nel Ayuntamientu, onde va facese llectura, por parte de la periodista Beatriz R. Viado, del comunicáu onde se denunciará ""la violenta campaña dende los fundamentalismos relixosos y les dreches polítiques"".

Según les organizaciones y asociaciones convocantes, les recientes actuaciones xudiciales, que llevaron a delles muyeres a los xulgaos dempués d'interrumpir voluntariamente'l procesu de xestación, amuesen ""la situación d'inseguridá xurídica"" que se vive dende la llei del albuertu de 1980."