Blimea estrena Selmana Cultural

"La Selmana Cultural, organizada pola Asociación de Vecinos de Blimea, va desarrollase ente los díes 18 y 22 de febreru, tando compuestu'l programa de tres charres, una representación de teatru, el conciertu de música ayandesa a cargu de los músicos Xosé Ambás, Disgo Pangua y Dolfu R. Fernández y pa finar la cena d'hermandá del mesmu vienres.

Les charles van entamar el llunes 18 cola intervención del pediatra del Centru de Salú de Sotrondio-Blimea, Dr. Marcelino García Noriega, que va tratar el tema ""L'adolescencia: conflictu, medría y diálogu"". El martes 19, el turnu va ser pa la conferencia ""Les cruces asturianes"", alredor de los aniversarios de les cruces de los Ánxeles y de la Victoria y que va dar la profesora d'Historia del Arte de la Universidá d'Uviéu Pilar García Cuetos. El miércoles 20, la Dra Estrella Miguélez, del Centru de Salú de Sotrondio-Blimea, va falar sobre la vacuna del cáncanu d'úteru. Toles charles van tener llugar a les 19:30 hores nel Centru Social de Blimea.

El xueves 21, a la mesma hora y sitiu que les charles, el Grupu Refaxu va poner n'escena la obra de teatru ""El adiós de la quintana"", y el vienres, depués del conciertu d'Ambás, Pangua y Fernández, va celebrase una cena d'hermandá nel restaurante Bar San Mamés.

Esti añu, la Asociación de Vecinos de los Pueblos de la Parroquia de Blimea va homenaxar a María Luisa y Ana, propietaries y xestores del ""Bar Pepe Luis"" de Sanamiés, l'últimu bar-tienda de la parroquia."