Vicente García Oliva inagura coleición de Lliteratura Xuvenil

"L'escritor Vicente García Oliva va presentar esti martes 19 a les 19.30 hores nel Atenéu Obreru de Xixón la obra ""Elemental, Querida Lisa"", inagurando asina la nueva coleición de Lliteratura Xuvenil de la Editorial Trabe. Nel actu van participar amás Esther Prieto, como representante de la editorial y Severino Antuña, espertu en Lliteratura Infantil y Xuvenil y coordinador de la coleición.

""Elemental, Querida Lisa"" cuenta'l procesu de maduración d'una moza de 16 años que, pola mor d'un accidente de tráficu, va a reponese al pueblu de los sos güelos, onde va dor descubriendo un misteriu zarráu nel desván de la casa, un misteriu qu'esplica la muerte del so güelu.

Vicente García Oliva, miembru de númberu de l'Academia de la Llingua Asturiana y autor de bayura de trabayos de lliteratura pa neños y mozos, trata nesta historia temes de gran fondura talos como la Guerra Civil n'Asturies, l'ecoloxismu o los malos tratos."