Greenpeace asitia n'Avilés y Navia los "puntos negros" asturianos

"Un informe sobre la contaminación d'España, ellaboráu pola organización ecoloxista Greenpeace marca la planta avilesina d'Arcelor y la papelera que'l grupu ENCE tien en Navia, como ""puntos negros"" en contaminación.

L'informe fai una esbilla de tola información que sobre contaminación tien la organización ecoloxista. En total, la industria española reconoz que vierte al agua unes 1. 219.709 tonelaes contaminantes al añu, teniendo en cuenta'l datu namás la cantidá de materies peligroses. D'otra miente'l Ministeriu de Mediu Ambiente tamién reconoz que la contaminación atmosférica provoca n'España 16.000 muertes prematures al añu, diez vegaes más que la mortalidá añal por accidentes de tráficu.

Nel casu d'Asturies, la organización recuerda que ye una zona con un importante desarrollu industrial y que nella se concentren munches de les industries papeleres y metalúrxiques, amás de delles industries químiques. Según Greenpeace, les fábriques de papel empleguen sustancies mui peligroses como'l dióxidu d'azufre, orixe de la lluvia ácido. Amás recordaron qu'Asturies ye tamién una zona mui castigao pol intensu tráficu marítimu y los vertíos de galipote.

Greenpeace sorraya, amás, les negatives consecuencies que pue tener el proyeutu de la incineradora de residuos de Serín. Según el coleutivu, ""esti tipu d'instalaciones son la peor forma de xestionar les basories yá qu'emiten, ente otros contaminantes, dioxines y furanos, mui peligrosos pa la salú humana""."