Xuristes pol Asturianu diz que ye "hipócrita" dir col asturianu a "Expolangues"

"Al traviés d'un curtiu comunicáu, l'Aconceyamientu de Xuristes pol Asturianu quiso amosar la so ""indignación"" énte la presencia de la Conseyería de Cultura y Turismu na Feria de les llingües ""Expolangues"" de París.

Dende'l puntu de vista de los xuristes, ye una ""falsura del gobiernu del Principáu d'Asturies qu'unvía voceros a París pa enchipase de nun se sabe qué imaxinarios o lliterarios llogros en porgüeyu de la llingua asturiana"", un gobiernu que na so opinión ""prohibe'l so emplegu polos funcionarios públicos; ellabora un proyeutu de Decretu que torga dafechu la so presencia na educación de los neños; y pieslla los pocos Servicios Municipales de Normalización Llingüística que con bien de trabayu de les organizaciones cíviques llográrense abrir"", en referencia al pieslle de los Servicios de Normalización de Mieres y Samartín del Rei Aurelio."