Bloque por Asturies acusa a la Conseyería de facer terrorismu arqueolóxicu

"El Bloque por Asturies denuncia la destrucción del Camín Real a l'altura del conceyu de Samartín de Rei Aurelio, fechos que dende'l so puntu de vista se producen ""col consentimientu y collaboración del Ayuntamientu de Samartín del Rei Aurelio y la complicidá de la Conseyería de Cultura del Gobiernu del Principáu d'Asturies"".

El Bloque sorraya que yá denunciara'l 5 d'agostu de 2004 ""la destrucción d'una parte del Camín Real a l'altura de Sotrondio y Labayos, inventariáu na Carta Arqueolóxica de Samartín del Rei Aurelio"", pidiendo asina mesmo a la Conseyería ""la reparación de los daños ocasionaos sobre'l bien arqueolóxicu"".

Sicasí, y dempués de nun atopar rempuesta favoratible per esa vía, un añu dempués presentaron otra denuncia énte'l Defensor del Pueblu, conseñando que ""dende l'ayuntamientu de Samartín del Rei Aurelio ufiertáronse los medios materiales pa formigonar el Camín Real, demientres que la Conseyería de Cultura nun dio rempuesta a la denuncia"". Énte l'interés del Defensor del Pueblu por esti asuntu'l Bloque por Asturies acusa a la Conseyería de ""torgar d'un mou premeditáu'l so llabor"", poniendo-y puntu a la nota cola crítica direuta a la Conseyería ""la so manera d'actuar de la Conseyería de Cultura, responsable direuta de protexer esti bien arqueolóxicu esbarrumbáu, merez el nomatu de terrorismu arqueolóxicu""."