El Gobiernu cuenta adelantrar cuasi 700.000 euros a los trabayadores de La Camocha

"El conseyu de Gobiernu del Principáu aprobó na tarde del xueves un gastu de 677.689 euros en conceutu d'adelantu pa los trabayadores de la Mina La Camocha, demientres que-yos dan les perres que-yos debe la empresa, según informaron fontes del Principáu pente medies d'un comunicáu de prensa.

Les ayudes van recibise individualmente y a tolos trabayadores, menos a los que tienen rellación direuta o indireuta cola direición de xestión de la empresa, según s'amuesa nel documentu robláu pol Gobiernu del Principáu y los sindicatos SOMA-FIA-UGT y la Federación Minerometalúrxica de CCOO.

Esti documentu recueye amás el compromisu de los trabayadores de devolver, nun plazu non superior a quince díes, l'adelantu del Gobiernu del Principáu ""en cuantes que cobren too o parte de les cantidaes que-yos correspuenden de los salarios de los meses de payares y avientu del 2007, asina como la paga estraordinaria del mes d'avientu""."