Convocada una manifestación pol drechu al albuertu

"Dellos coleutivos, sindicatos y partíos políticos d'Asturies convoquen, pal prósimu 21 de Febreru, una Manifestación en favor de la despenalización del albuertu y el drechu de la muyer a decidir sobre'l so propiu cuerpu.

Les movilizaciones entamaron a partir de la criminalización de delles muyeres qu'exercieren el drechu al albuertu dientro de los supuestos que marca la llei, criminalización xudicial que siguió con una condena social por parte de lo qu'estos coleutivos califiquen como ""los sectores ultraconservadores y fundamentalistes relixosos"".

Les primeres aiciones espeyaron na presentación de más de mil autoincultaciones énte los xulgaos de guardia d'Uviéu y Xixón el pasáu 29 de xineru a les 12.00 hores.

La manifestación ta convocada pa les 19.30 hores del día 21, con salida na Plaza L'Humedal de Xixón y llegada al Ayuntamientu, onde cuenta lleese un manifiestu. El lema de la manifestación va ser: Derecho al aborto. Nosotres decidimos. "