Asturies tuvo'l mayor siguimientu de la Fuelga de Xusticia

"La Delegación del Gobiernu n'Asturies cifró'l pasáu xueves el siguimientu de la fuelga de funcionarios de l'Alministración de Xusticia nel Principáu nun 53,03 por cientu, la tasa más alta de toles comunidaes autónomes. Según los datos gubernamentales, de les 1.171 persones que formen parte de l'alministración asturiana, sofitaron la fuelga 621 funcionarios.

El Gobiernu, pente medies d'una nota prensa, cifró'l paru na Alministración de Xusticia a nivel nacional nel 43,29 por cientu, polo que los datos del Principáu superen en diez puntos a la media española. Por comunidaes autónomes, según los datos del Gobiernu, les illes Balears rexistraron un paru del 35,71%; Castiella La Mancha, un 41,84%; Castiella y Lleón, un 48,00%; Ceuta, un 38,52%, Extremadura, 43,06%; La Rioja, un 51,02%; Madrid, un 33,02%; Melilla, un 0,63% y Murcia, un 51,45%."