Charra sobre la Carrera Profesional

"El direutor xeneral de Recursos Humanos de la Conseyería d'Educación, Arturo Verano, asina como representantes de sindicatos d'enseñanza d'Asturies, como Beatriz Quirós, presidenta de la Xunta de Personal Docente non Universitariu y miembru del Secretariáu del Suatea, y José Luis García, secretariu xeneral de CC.OO. d'Enseñanza d'Asturies, ufierten esti xueves a les 18.30 hores, na Facultá de Ciencies de la Educación, una charra sobre la Carrera Profesional Docente. L'oxetivu ye la presentación de les propuestes de l'alministración y Sindicatos.

La charra ta organizada por FIES (Fundación de Investigaciones Educativas y Sindicales) y sirve de ramu de les xornaes sobre la Carrera Profesional que se tán desarrollando, a lo llargo los caberos tres meses, cola participación de profesores como Gimeno Sacristán, Antonio Bolívar o Ferrán Ferrer."