Pablo Antón Marín Estrada, Premiu Narraciones Trabe 2007

"Pablo Antón Marín Estrada, poeta y novelista perconocíu n'Asturies, ta acabante ganar el Premiu de Narraciones Trabe, correspondiente a la convocatoria del añu 2007, cola obra ""La boca puerca de mores"". Hai que recordar que la editorial asturiana alterna la convocatoria de los premios Montesín (empobinada al públicu Infantil y Xuvenil) que l'añu pasáu ganara Dolfo Camilo Díaz cola novela ""Khaos"", col premiu de narrativa que na cabera convocatoria ganara Xandru Fernández cola ""Banda sonora del paraísu""; dambes yá espublizaes.

Pablo Antón Marín Estrada, nacíu en Sama de Llangréu en 1966, estrénase na creación n'asturianu cola espublización del so primer poemariu, Blues del llaberintu de 1989. A partir d'esi momentu entama una carrera lliteraria que va llevalu a tocar práuticamente tolos palos, ente ellos la torna, rescamplando títulos como ""Peter Pan"" o ""Un millón de Vaques"" de Manuel Rivas. Nel añu 1994 algama per primer vegada'l primer premiu de Narraciones Trabe, cola obra Esa lluz que naide nun mata.

El xuráu d'esti añu taba compuestu por Esther Prieto, Xuan Bello, Marta Torre, Xulio Viejo, Xandru Fernández y como secretariu Inaciu Iglesias, direutor de la editorial."