Yá puen consultase les candidatures pa les elecciones del 9 de marzu

"Yá tán espublizaes nel BOE les llistes de candidatos por Asturies al Congresu y el Senáu. Esti añu la ellaboración de les llistes tuvo marcada pola polémica, sobre manera ente les files del Partíu Popular Asturianu. A la fin el PP lleva como voceru al Congresu a Gabino de Lorenzo, siendo'l segundu Isidro Fernández Rozada.

D'otru llau el Partíu Socialista tien como númberu ún a Alvaro Cuesta Martínez , siguíu de Maria Luisa Carcedo. Izquierda Xunida - Bloque por Asturies - Los verdes cuenta con Mercedes González Álvarez y Manuel González Orviz, dambos d'Izquierda Xunida, teniendo que dir hasta'l númberu cinco de la llista p'atopar a un representante del Bloque por Asturies, María González Cejudo.

Del llau de los partíos nacionalistes, UNIDÁ apuesta por Lali García Rubiera y Faustino Zapico Álvarez, como yá adelantáremos nesti mediu. D'otra miente Andecha Astur pon como primeros de llista a Bruno Gómez Jiménez y Arturu Xosé Bermeyu García.

Pa consultar les llistes completes al Congresu y el Senáu: Consultar Candidatures"