Los ecoloxistes súmense a les crítiques a nueves térmiques

"La Coordinadora Ecoloxista d'Asturies pidió-yos a los ayuntamientos asturianos de Carreño, Xixón y Corvera que refuguen les térmiques previstes nel so tarrén. Asina, invitáronlos a que ""sigan l'exemplu"" de los consistorios d'Uviéu y mieres, que yá aprobaren delles iniciatives escntra les centrales de ciclu combináu.

Los ecoloxistes recordaron qu'Asturies yá tien térmiques a esgaya, sobre manera de les alimentaes de carbón, amás de la de gas que cuenta inagurase en poco tiempu nel conceyu La Ribera. ""Toes estes instalaciones faen qu'Asturies tenga la peor calidá del aire"" según esplicaron.

Los proyeutos d'esti tipu d'instalaciones que siguen alantre son los de ESBI de Nubleo en Corvera (860 Mw), la d'Endesa y HC n'El Musel en Xixón (800 Mw) y la de HC n'Aboño (865 Mw)."