Los obispos piden el votu pa los partíos "compatibles cola fe"

"Los obispos pidieron a ""los católicos que quieran sentilos"" que voten a los partíos ""compatibles cola fe y les esixencies de la vida cristiana"". Y ye que, según alvierten los prelaos, na so nota de cara a les elecciones xenerales del mes de marzu, ""p'actuar responsablemente"" hai que tener en cuenta ""l'apreciu que cada partíu, cada programa y cada dirixente-y da a la dimensión moral de la vida"".

Nesti sen, añaden que ""l'aconfesionalidá del Estáu nun tien de confundise con asitiase al marxe de la moral"". Ente ""les sos opiniones"" pa ""l'exerciciu responsable del votu"" los prelaos sorrayen ""la defensa de la vida humana en toles sos estayes, dende la conceición hasta la muerte natural y la promoción de la familia fundada nel matrimoniu"" ente un home y una muyer.

D'esta miente, critiquen ""les dificultaes p'amestar nos currículos de la escuela pública l'estudiu llibre de la relixón católica"" y la nueva asignatura d'Educación pa la Ciudadanía ""que fraya'l drechu de los pás a formar a los sos fíos acordies coles sos creencies relixoses y morales""."