Areces quier tresformar Asturies nun "plató natural"

"Vicente Álvarez Areces, anunció en Madrid, coincidiendo col día d'Asturies en FITUR, la so intención de trabayar por tresformar Asturies nun ""plató natural"" con calter ""permanente"" de magar esti añu 2008. Con esti oxetivu cuenta crease una estructura ""formalizada"" que-yos faiga más cenciella a los profesionales del cine la xera d'optar a les ayudes.
Esto, camienta Álvarez Areces, pue da-y a Asturies ""una comunicación positiva y mediática de la imaxe"", recordando que cinco de les películes que se rodaron l'añu pasáu n'Asturies son candidates a los Premios Goya con un total de 34 nominaciones ""Queremos echa-yos un gabitu a los direutores y productores de cine, asina como a les promeses moces, pa que sigan apostando por Asturies como'l meyor plató natural"" sorrayó.
Pa too ello'l Principáu va facilitar que les producciones, tanto de cine como de televisión y espectáculos musicales, puedan rodase equí con calter ""permanente y estable, non temporal como consecuencia d'un rodax"". Asina, Vicente Álvarez Areces adelantó que yá taben falando con delles empreses, col envís de que les charres ""xorrecieren en pocos meses""."