Convocáu'l Tercer Conceyu del Texu de l'Abamia

"Dellos coleutivos asturianos llamen a participar nun conceyu que va tener llugar el día 3 de febreru a les doce'l mediudía al pie del Texu d'Abamia, nel conceyu asturianu de Cangues d'Onís. Esta ye la tercer vegada que se convoca esta xunta que tien como oxetivu la defensa del patrimoniu monumental, natural y cultural d'esti arbol n'Asturies. Na convocatoria sorrayase'l calter simbólicu d'estos árboles que ""foron respetaos de magar los sieglos, y llantaos nel mesmu centru de cada pueblu yeren tou un símbolu llibertá ya identidá y democracia direuta qu'a los sos pies s'exercía dende tiempos inmemoriales"".
Asina demándase la necesidá de defendelos de les agresiones que cuenten tán sufriendo nos caberos tiempos. Sobre manera garra carga simbólica l'Abamia al pidir qu'esta zona d'Asturies seya ""devuelta al so vieyu ser, iguada y devuelta al so esplendor, a la sobriedá y autenticidá, al xacíu y la naturalidá que facíen d'esti santuariu un llugar únicu, enllenu d'espiritualidá, de significáu, d'equilibriu y de fuercia""
Los coleutivos convocantes son l'Asociación Abamia, A.N.A (Asociación d'Amigos de la Naturaleza Asturiana), Fundación Belenos, Coordinadora Ecoloxista d'Asturies, Foru Arte Ciudá, Tertulia Cultural ""El Garrapiellu"" y Amigos del Texu."