La Xunta critica la inestabilidá de los Servicios de Normalización Llingüística

"La Xunta pola Defensa de la Llingua Asturiana acusó al Principáu de facer por inestabilizar la situación de los Servicios de Normalización Llingüística, recordando que'l Principáu inda nun robló nengún conveniu pal so funcionamientu, ""acordáu pal mes d'avientu ente los normalizadores y la Conseyería de Cultura'l pasáu mes d'ochobre ""a lo qu'hai qu'amestar la inestabilidá na que queden les que tán tovía abiertes, al incumplir la Conseyería tolos alcuerdos algamaos colos trabayadores nel mes d'Ochobre"".
Camienta La Xunta qu'esta situación ye'l resultáu de la falta de conveniu, polo qu'hai ""parones na actividá cuando s'acaba la subvención"". ""A estes altures nun se sabe siquiera con qué presupuestu se cuenta pa da-yos continuidá a los Servicios qu'entovía funcionen"". Añade'l testu. La Xunta recordó que la Rede de Servicios de Normalización ""forma parte de la propaganda institucional a la hora de vender la so confianza na normalización del asturianu, pero la Conseyería de Cultura nun va más allá nel so sofitu"".
Pa finar La Xunta pola Defensa de la Llingua pide que ""s'abran les oficines pesllaes y que se cumplan los compromisos de la Conseyería de Cultura y non con bones pallabres""."