"Les Comadres" critiquen, nos sos premios añales, el tratamientu xudicial del albuertu y la violencia machista

"La Tertulia Feminista "Les Comadres", que como tolos años entrega los sos premios añales nel día que-yos da nome, centra esti añu la so crítica nel tratamientu del albuertu por parte del poder xudicial. Concretamente la Tertulia Feminista cuenta entrega-y el so premiu ""Felpeyu"" a José Luis Sierra Fernández, xuez del Xulgáu nu1 de Madrid, que nos últimos díes llamara a declarar a delles muyeres qu'exercieran el so drechu al albuertu. Pela contra ""Les Comadres"" entreguen esti añu'l premiu ""Comadre d'Oro"" a l'Asociación de clíniques acreditaes pa la interrupción voluntaria del embarazu.
D'otra miente, los premios ""Comadre d'Oro especial"" y ""Babayu"" van pa la ""Asociación de Mujeres Juristas THEMIS"" y Jose Luis Requero Ibáñez, respeutivamente. Esti últimu, vocal del conseyu Xeneral del Poder Xudicial, merez nomatu de babayu poles sos declaraciones al rodiu de la violencia machista, afirmando que la llei escontra la violencia de xéneru ye ""una concesión del Gobiernu al feminismu radical"".
La fiesta les comadres y entrega de premios va ser nel Llagar Castiello de Xixón."