La Delegación d'Asturies en Madrid va acoyer un cursu de llingua asturiana

"La Delegación d'Asturies en Madrid va acoyer de magar el próximu mes de febreru la séptima edición del cursu de Llingua Asturiana. Les clases van entamar de magar del 28 de febreru, y la matrícula va ser de baldre, según informaron güei a los organizadores, al traviés d'una nota prensa. Les sesiones llectives, que van prollongase hasta'l 29 de mayu, van tener llugar na sede de la delegación, nel númberu 2 de la cai Santa Cruz de Marcenado, cerca de la salida del metru de San Bernardo y del centru cultural Conde Duque.

Les clases van ponese tolos xueves de 19.00 a 21.00 hores, y los sos conteníos van ser, tanto de gramática práctica como de cultura asturiana. Los participantes van recibir un diploma acreditativu de 35 hores llectives. Amás de la matrícula, tamién son de baldre los materiales que van entregase. Van dase a conocer de la mesma manera abondos recursos de trabayu y llectura per internet. Los interesaos en participar sólo tienen qu'unviar un email a la direición de corréu electrónicu cursu@wanadoo.es."